Hoxe luns 11 de maio arrancamos a semana máis bonita do calendario anual, a semana das Letras Galegas que terá o seu día grande o vindeiro domingo día 17.
Comezamos semana e e programa coa sección de consumo con Kim Llovet e Ana Cores. Puxemos o foco nunha alerta sobre unha posible estafa no Concello da Estrada e falamos dos pasos que hai que seguir para reclamar diante do banco calquera tipo de estafa.
Co gallo da semana das letras o xoves pola tarde a contadora Vero Rilo pon en escea xunto ao guitarrista Luís Iglesias «As mil e unha» unha peza que honra e conmemora a figura da homenaxeada este ano, Begoña Caamaño.
Lucía Seoane, concelleira de cultura da Estrada adiantounos o programa de actividades á volta da letras galegas e Marga Rodríguez Tesoureira da Fundación Cultural da Estrada falounos da razón de ser desta institución que xa é un alicerce chave para o desenvolvemento, social, económico e cultural do noso concello.
