Nova edición de A Galería de Verán, o magazine das mañás de Radio Estrada.
Hoxe falamos con Sergio García, fundador de Fotowalk Galicia, sobre a quedada fotográfica que se celebrará este sábado 22 de agosto en Boqueixón, unha proposta para descubrir o concello a través da fotografía, compartir afección e gozar dunha xornada de convivencia.
Na segunda hora achegámonos a Cerdedo-Cotobade para conversar co seu alcalde, Jorge Cubela, sobre as próximas citas da programación cultural de agosto, entre elas o concerto de Budiño e a representación teatral de Retrincos de Castelao, a cargo de Artefeito Producións.
Ademais, actualidade, música, participación e ambiente de verán nunha nova mañá de radio.
A Galería de Verán — Radio Estrada 107.7 FM
Martes, 18 de agosto de 2026
