No informativo de hoxe repasamos a actualidade da Estrada e da comarca: o alcalde Gonzalo Louzao anuncia o nacemento do seu primeiro fillo; continúa o conflito pola folga do lixo; o Concello reforza a prevención de incendios con dúas novas brigadas; e a Praza da Constitución prepárase para as Festas do San Paio. Ademais, ACOE lanza unha campaña de premios para incentivar o comercio local e a Feira do Moble abrirá de balde os dous primeiros días.
No ámbito autonómico e estatal, o Goberno activa o programa Verán Xove 2026 con descontos de ata o 90 % en transporte, e Sanidade repartirá preservativos e probas de ITS entre a mocidade.
En comarcas, repasamos as axudas da Deputación de Pontevedra, investimentos en Forcarei, Boqueixón e Teo, e as novidades en educación e deporte, incluído o Depor Campus Cuntis 2026. Pechamos co éxito do Estrada Pádel, que conquista a Copa Xunta e logra o pase ao Campionato de España.
