No informativo deste martes 6 de outubro, repasamos o aviso amarelo por choiva no interior de Pontevedra e a actualidade da Estrada: o recoñecemento a dous policías locais polos seus 25 anos de servizo, a participación de Carla Rey no certame Miss RNB Pontevedra 2027 e as 40 axudas municipais a colectivos veciñais, por un total de 110.977 euros.
Falamos tamén da xornada de Mulleres Rurais Avelina Valladares, do calendario de vacinación infantil contra a gripe, da incorporación de Leovelys Cambas á directiva de Fevega e do encontro sobre Virxinia Pereira na Casa das Letras. Ademais, lembramos o peche das inscricións para a Ruta Ciclo-papeo-turística de Orazo.
Nas comarcas, abordamos os novos actos vandálicos nos Pendellos de Agolada, o investimento en prevención de incendios, o Entre Pontes de Cerdedo-Cotobade e o Bono Comercio de Lalín. Nos deportes, destacamos a vitoria de Brais Rey nos 1.500 metros obstáculos e a súa contribución ao bronce do Ourense Atletismo. Pechamos coa música de Fito & Fitipaldis, no 60 aniversario de Fito Cabrales.
