Hoxe martes 24 de Marzo, falamos coa nosa psicóloga, Verónica Barros da astenia primaveral. Existe?, como nos condiciona?.
Fixemos parada en Teo para coñecer de primeira man a campaña turística posta en marcha baseada na sostibilidade, na cercanía e na veciñanza.
No espazo adicado ao noso rural o «Ruralmente», falamos con Raquel Touceda, parolamos sobre as súas fresas, da tradición familiar, de facer as cousas con alma e corazón e do amor que ten por revitalizar o rural.
E puxemos o ramo con Jamas cantante de Dios ke te Crew que presentou unha nova proposta musical xunto a Mou e DJ Mil que leva por nome Lume Doloop. Rap feito en Galicia e en galego, un disco chamado (RE)Existencia con temas sen domesticar.
